“Sua” (2008) eta “Oinazez” (2010) ikuskizunak aurkeztu ondoren, ikuskizun berri batekin dator Alurr Dantza Taldea: “Izanak dirau, 1512″. Oraingo honetan dantza eskolako gaztetxoei geure historiaren zati bat dantzaren bidez bizitzeko aukera eman diegu. Alurr dantza taldearen beste aurpegi bat da eskola, taldearen etorkizuna ziurtatzen duena. Horregatik, etorkizuneko dantzariei gure historia eta tradiziorantz begiratzeko aukera eman nahi diegu. Gure etorkizuna beraiena delako?ez dezaten memoria gal.
-Zuzendaria: Aiert Beobide.
-Jantziak: Ramon Garcia eta Alurr.
-Soinua eta argiak: ABS iluminación.
-Ahotsak: Lorea Lopez.
-Kartelak eta esku programa: Eider Epelde.
-Proiekzioak: Haatik irudi laborategia (Nafarroako Gobernuko Turismo Marketingerako Zerbitzuak emandako argazkiak).
“Istorioek hasiera eta bukaera izan ohi dute” Historiak ez ordea. Orain kondaira dena etorkizunean ere kondaira izango da, eta gogoratzen dugun heinean, ezin amaituko da. Historiak ez du amaierarik, ez behintzat ahazten ez badugu.
500 urtez gordeta egon ondoren, kutxa ireki, eta ezagutu dezagun Nafarroako Erresuman gertaturikoa. Hautsak harrotu eta ekar dezagun gure memoriara. Kondairak etorkizunean ere iraun dezan. Iraganik gabeko herriak ez baitu etorkizunik.
Argibide gehiago nahi izanez gero, Eli-rekin harremanetan jar zaitezke, arratsaldeko 15:00etatik aurrera, telefono zenbaki honetara deituz: 635-75 70 48.
Informazio gehiago: Alurr Dantza Taldea
No hay comentarios:
Publicar un comentario